بأهديك جرحي

بأهديك جرحي أدمه أو زد فيه
علي تجمل تواضع وابتسم لي
بأهديك فرحي لك خص بأهديه
لك الفرح والحزن كله قسم لي
وأن قل فرحي شايبي مواريه
حكمت أظلم اقضب شتات شملي
لأنهد صرحي شيد مبانيه
الهم أشيله وإذا أخف حملي
وأن طال شرحي ترى ذا تواليه
عظمتك أجرك في جرحي وقتلي
وإن عفت جرحي الا يا كيف أداويه
من يدوي الجرح ومن يبتسم لي









ضاعت أحلامي وبيدك هدمت آمالي
والقلب بعدك من الحب للأسف تاب
كنت مرتاح وعايش بقلبي الخالي
والقلب قبل ما أذكر انه بيوم ذاب
عش حياتك وخلني عايش لحالي
أصلا الدنيا ما تستاهل نظرة اعجاب








ياما تمنيتك بونات ودموع
ويا ما سهرت وراح عمري برجواك
بكيت من فرقاك والقلب مفجوع
ويا ليت قلبي حذرن قبل يهواك
ومشيت في درب طويل ومقطوع
وخليت روحي غارقه وسط دنياك
كنت احسب أن الوقت يمشي لي بطوع
وأثر سلاح الوقت والحب فتاك









من علمك تقسى علي يأخي استح ..!
ماشفتني لاجي .. لقلبك عن الناس ..؟

كنت احسب اني بس لا قلت لك أح ..
تقولي وشفيك / وتجيني إحساس ..

لكن على عينك / ترى هذي ( أمبح )
أسف ../أنا..../ آسف ../ وذي بوسة الراس..









ياما تناسيت من جروح واحزان
الا جرحي هذا حاولت ومانسيته
جرح ٍ طعن قلبي من اغلى انسان
حبه سرى بدمي وبقلبي ضميته
اناصحيح تحطمت بس هو الخسران
خسرني وخسر حبي وقلب كان بيته









ماعــاد باقي عذر يكفيني انتظــار ..
الليلة غيابك مكمل له شهــر..
أسرفت بغيابك ومن يعشقك حــار ..
وأنا قبل لا أعشقك مااعرف السهــر ..
حسبه بسيطة غيبتك تعني (( انصهــار))..
يعني نتجيــتها بأموت من القهــر ..
إما تجي تبعدني من " الاحتضــار""..
والا عزاي مقدم ضــلوعي * مهــر * ..
واذا سألوا عني بشر قل باختــصار ..
<< لا يصــلح العطــار ماأفسده الدهــر>>..









ابا اتمشاك من اول سرابك لآخر اجنانك
وابواعدك قبل يتوه في الغربات عنواني
أجر أقدامي لشوفك ولا ادري وين عنوانك
أخاف ابعد بعيد بعيد ولا القاك يا الحاني
على اول دخول البرد قاسي بجد هجرانك
احس بوحشه وغربه وهم يطول وجداني









يامالـــكه قـلبي ترا من غلاتك...
كنت اتحمــل كل شــي يجــيني..
واليوم أبــعلن في رحيــلك وفاتك..
ذي ماجنته يديك ماهي يديني..
وان كــان باقــي لي غلا في حياتك...
يكفي انـــتظار الأمس لاتوعدينـــي ..









خلك مع اللي أخترت والله يهنيك !
وفي دنيتك تلقى الفرح والأماني..
وإن مرت الذكرى على قلب ناسيك..
ماتطلع الشيــنه أبد من لســاني !
واليوم أنا نسيت أسمك وطاريك..
ماعاد أفكــر فيك لو هي ثواااااااني !!









قالوا صديقك عند ضيقك تلاقيه
وأنا أقول العكس هـذي روايا
شديت به راسي صدوقن مصافيه
ولا كنت أصدق فيه قول البرايا
مر الزمن والوقـــت طافت لياليه
وتبينـت لـي موحشـــات الظمايا
الصاحب اللــي أنتخيبه طلع فيه
مرض يسمونه جنـون الردايا









كافـي فرقـى كافـي ألـم وحنين
كافــي عذاب كافــي أمــل مذبوح
كافـي جنـون كافـي سـم وأنين
كافــي سهـر ليــن شمسـي تلوح
وقف يا الزمن لحظة وسمعني الحين
الكرامة هي راس مالي لو تصلب الروح









قلت افتش في هداياك
يمكن ألاقي من الماضي ذكرياتي
شفت هديه غاليه من هداياك
ذكرتني بأيامي وحكاياتي
ورده ذابله كانت بين هداياك
فيها لقيت ماضياتي
منها كفت كل هداياك
بكيت لأجلها وبكيت عليك لأنك أجمل ذكرياتي









قلنا فمان الله للأشواق وأطفينا الشمـــــــــوع
والليل فل ستارته غطى على كل البقــــــــــاع

يا قلب يا مجروح خذ حريتك يكفي خضـــوع
ما يستوي في الحب وصل قلوبنا والامتنـــاع

قلوب وعيون ومرايا تحتضن شوق و دمـوع
وجروح وانت تعدها يا زين من سقط المتـاع

ارحل وأنا بوعدك لامن رحت ولعت الشموع
وفتحت في قلبي نوافذ للأريج وللشعــــــــاع









حتى انت ياموج
ماتقدرعلى همي..!
اعطيك همي وترمي به
على الشاطي..؟
هذا وانت البحر
ماتلتفت يمي؟؟
اجل منهو الي يحس
بجرحي الساطي..؟









أبدعت بالدور وبكي مشهدك عيني
مثلت دور الوفي وأنهيت لعباتك

أوهمتني أن قلبك صار في يدينك
وأنا على نيتي صدقت كذباتـــك

أخلصت لك وانت بجروحك تجازيني
ماهمك إحساس يوقف ضد رغباتــك









لا تحسب إني عقبكم في ندامـــــه
ماني على حب المقفين ندمــــــان

من باعنا بالرخص نرخص مقامه
نشطب عليه ونتركه دون عـنوان

ودعت حبك يالغلا بالسلامــــــــه
مالي بحبك دامك إنسان خـــــوان












[center]لا هيام ولا ريام ولا سهام ولا خلود
انتي وحدك بس انتي والله انتي مطلبي

وان بغيتي حق حبّك شي يثبت او شهود
اسألي قلبي وشوفي..؟ بس قبله اقربي

واخذي الروح الجريحه وفلّي منها هالقيود
واسهري بين الجفن والعين ولا بهدبي

وان لمحتي شخص غيرك اخزقي عيني بعود
دام بيدك هالعما .. راضي بس انتي اقربي









كم تجاهلت الغلا والحب كلّه لك عشان
لا يغيّرك الغرور اللي عما غيرك كثير

ولاّ انا داري بقلبي لو يحسسك بإمان
تتركه منّي ولاّ هناك ولاّ بالاخير









حزن وكآبه ذي والله حياتي
ماشفت فيها شي يسعد لي الذات ..!!

حب ووفا وخلاص هذي صفاتي
كنّ الوفا والطيب منّي معانات..؟

عايش طريح افراش انطر مماتي
محداً دعا.. لي قال: يالله سلامات









ابعد القيفان عنّي ملّ منّي الانتظار
كم نزفت البوح قافٍ واشهد انّه مكذبي

كم نظمت البوح شعراً بارد بعز النهار
وكم نظمت الشوق بيتٍ وحترق كل احطبي

مانفعني ايه والله .. وقلت اغيّر هالمسار
وان رجعت لشوق حبّي .. (اعترف انّي غبي)








ما ودّي العب في فريقك اساسي
يكفيني انّي بس واقف بملعبك

خلني احتياطي بس والله راضي
ولا حكم ساحه ولاّ ورى الشبك







شفت الجريح اللي يحب له جريحه
وعايش معاها بوسط آلام وجروح

هذي حياتي وان كانت شحيحه
يبقى الغلا بالقلب وفديه بالروح

عايش معا الايام وتبع نصيحه
عيش العمر منكوب .. وكثّر من البوح

مشكوره اختي على الشعر وايد حلو ونشوف جديدكــــــــــــــ